नेउवामहासंघ बागमती प्रदेश लघु, घरेलु तथा साना उद्योग समितिको अनलाईन बैठक सम्पन्न । २०८१ भाद्र २

नेपाल उद्योग वाणिज्य महासंघ बागमती प्रदेशको लघु, घरेलु तथा साना उद्योग समितिको अनलाईन बैठक सम्पन्न गरिएको छ । समितिका सभापति लक्ष्मी खनालज्यूको सभापतित्वमा बसेको बैठकले गत वर्ष गरिएका कार्यक्रमको समिक्षा, यस वर्ष आयोजना गर्ने कार्यक्रमहरुको विषयमा छलफल र थप २ सदस्य मनोनयन गरेको छ । गत वर्ष आयोजना गरिएको कार्यक्रमहरुमा मितव्ययिता अपनाउन नसकिएको, यस वर्ष त्यस्तै कार्यक्रमहरु बागमती प्रादेशिक मन्त्रालयहरुसंगको सहकार्यमा मितव्ययिता अपनाएर आयोजना गरिने, समितिको बैठक हरेक २ महिनाको अन्तिम शुक्रवार बस्ने, लघु, घरेलु तथा साना उद्यमीहरुको बस्तुस्थिति बुझ्न असोजको पहिलो साताबाट विभिन्न जिल्ला नगर उद्योग वाणिज्य संघहरुसंगको समन्वयमा भ्रमण कार्यक्रम पनि आयोजना गरिने निर्णय गरिएको छ । भ्रमण यस वर्ष धादिङ्ग, नुवाकोट, सिन्धुली, रामेछाप र दोलखा गरी ५ वटा जिल्लामा गरिने पनि निर्णय गरिएको छ ।