दोश्रो राष्ट्रिय पर्यटन सम्मेलन तथा फोटोग्राफी प्रतियोगिता सम्पन्न । २०८१ जेठ २५ र २६

यसै गरी नेपालका लागि पाकिस्तानका राजदुत महामहिम अबरार एच. हास्मीले दुई देशबीचको सम्बन्धलाई अझ प्रगाढ गर्नमा पर्यटन तथा संस्कृतिको महत्वपूर्ण भूमिका हुने तथा यस किसिमको कार्यक्रमले अझ बढी भूमिका खेल्ने बताउनुभयो । साथै यस कार्यक्रममा सहभागी हुन पाउँदा आफूलाई निकै खुशी लागेको बताउनुभयो ।
फोटो प्रतियोगितामा देशभरका करीब ४०० फोटोग्राफरहरुका १५०० फोटोहरु प्रतियोगितामा सामेल गरिएका थिए भने यो फोटोहरुबाट नै सात प्रदेशका फोटोहरु प्रदर्शनीमा राखिएका थिए । 
उक्त कार्यक्रममा पर्यटन मन्त्री माननीय हितबहादुर तामाङ, नेपालका लागि पाकिस्तानका राजदुत महामहिम अबरार एच. हास्मी, लुम्बिनी विकास कोषका सद्भावना दुत तथा एभरेष्ट म्याराथनका परिकल्पनाकार बिक्रम पाँडे काजी, नेपाल पर्यटन बोडका निर्देशक लक्ष्मण गौतम, नेपाल उद्योग वाणिज्य महासंघ बागमती प्रदेशका अध्यक्ष दिल सुन्दर श्रेष्ठज्यूलगायतले मन्तव्य राख्नुभएको थियो । 
कार्यक्रममा पर्यटन व्यवसायी, सञ्चारकर्मी र फोटोग्राफी प्रतियोगिताका प्रतियोगीहरुको उपस्थिति रहेको थियो । कार्यक्रम अठोट नेपालका अध्यक्ष देवेन्द्र सिं ठकुरीको अध्यक्षता भएको थियो भने कार्यक्रमको सयोजन नेपाल उद्योग वाणिज्य महासंघ बागमती प्रदेश पर्यटन विकास समिति सभापति राज्यलक्ष्मी शाक्यज्यूले गर्नुभएको थियो ।