नेपाल उद्योग वाणिज्य महासंघबाट सबै प्रदेशलाई आ.व. २०८०।८१ बाट अनिवार्य लागू गर्ने गरी नयाँ लेखा सम्बन्धी सफ्टवेयर प्रयोग गर्ने तालिम प्रदान गरिएको छ । नयाँ आ.व. को पूर्वसन्ध्यामा सबै सात प्रदेश उद्योग वाणिज्य महासंघलाई तालिम प्रदान गरिएको हो । प्रादेशिक कार्यालयहरुमा लेखा प्रणालीलाई एकरुपता प्रदान गर्ने हेतुले दिईएको तालिमको सहजीकरण नेपाल उद्योग वाणिज्य महासंघका सह निर्देशक परशुराम नेपालले गर्नुभएको थियो । जुम मार्फत प्रदान गरिएको तालिम कार्यक्रममा सातै प्रदेशका कार्यकारी निर्देशकहरु र लेखा हेर्ने कर्मचारीहरुको उपस्थिति रहेको थियो भने नेउवामहासंघको तर्फबाट प्रमुख वित्त अधिकृत ब्रजेश वर्मा, निर्देशक सूर्य राज पौडेल र उप निर्देशक विकास बज्राचार्यको उपस्थिति रहेको थियो । बागमती प्रदेशबाट तालिममा कार्यकारी निर्देशक विवेक मानन्धर र कार्यालय सहायक श्रृष्टि पुडासैनीले सहभागिता जनाउनुभएको थियो ।